AMBARAWA| BL – Benteng Fort Willem I, luwih dikenal warga minangka Benteng Pendem, iku benteng peninggalan penjajahan Belanda sing dibangun ing taun 1834. Bangunan iki nduweni sejarah sing dawa lan saiki dadi salah sawijining panggonan wisata sing kerep dikunjungi, sanajan bangunane wis ora dijaga kanthi apik.
Benteng iki dibangun jaman Jenderal Van Der Bosch dadi Gubernur Hindia Belanda, kanggo pertahanan nglawan kemungkinan serangan mungsuh. Ambarawa dipilih amarga lokasine sing strategis, minangka panghubung antarane Semarang lan pedalaman Jawa Tengah.
Proses pembangunan benteng melu akeh tenaga kerja pribumi lan tahanan sing dipaksa kerja, kalebu nggawe bata lan genting langsung ing lokasi kanggo ngirit biaya. Meskipun pembangunane durung rampung, benteng iki wis ditempati prajurit wiwit taun 1844 lan rampung ing taun 1850.
Sakwise ora digunakake maneh minangka benteng pertahanan, Benteng Pendem diubah dadi penjara ing jaman penjajahan Jepang. Sawise kemerdekaan Indonesia, benteng iki dadi saksi sejarah penting nalika pertempuran Palagan Ambarawa kanggo ngusir pasukan sekutu.
Saiki, Benteng Pendem dianggo Lembaga Pemasyarakatan Kelas II Ambarawa. Wisatawan sing pengin ndeleng benteng iki bisa njaluk ijin dhisik marang petugas lapas. (Red/iskandar)
